Íslenski Söfnuðurinn      í Kaupmannahöfn

 

Aðalfundur Safnaðarins

Aðalfundur safnaðarins verður haldinn Sunnudaginn 25.10 kl. 10:30 í Jónshúsi.  Fjöldatakmörkun miðast viðreglur yfirvalda, sökum COVID-19, eru einungis 50 sem geta tekið þátt.

Dagskrá aðalfundarins er eftirfarandi:

 

  1. Kosning fundarstjóra og fundarritara 
  2. Skýrslur formanns og prests um liðið starfsár 
  3. Endurskoðaðir reikningar lagðir fram til samþykktar 
  4. Lagabreytingar 
  5. Kosning safnaðarnefndarmanna sbr. 4. gr. laga safnaðarins 
  6. Kosning eins skoðunarmanns og eins til vara 
  7. Önnur mál 

 

Á fundinum verður rædd tillaga stjórnar um breytingu á lögum safnaðarins. Um er að ræða viðamikla uppfærslu á núgildandi lögum bæði umorðun og lögin gerð ítarlegri á sumum sviðum auk þess sem þeim mun fylgja dönsk þýðing. Þeir sem óska eftir að kynna sér tillögurnar fyrir fundinn er velkomið að skrifa til kirkjan(hjá)kirkjan.dk og óska eftir að fá tillögurnar sendar.


Safnaðarstarf að hausti


Við viljum vekja athygli á að safnaðarstarfið fer aðeins öðruvísi af stað í haust að sökum COVID-19 og tilmælum yfirvalda til þess að takmarka fjölda tengla. Við hlökkum mikið til að ástandið batni, og við getum átt góðar samverustundir eins og áður en þessi skaðlega veira kom til sögunnar.


Vegna þessa höfum við ákveðið að fresta því að byrja með sunnudagaskólann. Við bindum sterkar vonir við að geta hafið störf í október. Mýsla og Rebbi verða á sínum stað, Hafdís og Klemmi kíkja í heimsókn, Tófa kemur og stígur dansinn með okkur og við ætlum að syngja, dansa og hafa gaman - eins og alltaf! 


Guðsþjónustan þann 20. september er fermingarguðsþjónusta þar sem fermd verða fjögur börn. Sökum fjöldatakmarkana í kirkjunni hafa fjölskyldur fermingarbarnanna forgang. Við hlökkum mikið til að geta hafið hefðbundið helgihald á nýjan leik. Stefnt er á messu í Esajas kirkju þann 25. október kl. 14.


Upplýsingafundur um fermingarfræðslu vetrarins slapp því miður heldur ekki við veirutakmarkanir, svo við munum setja kynningu á netið, og svo er hægt að senda spurningar til okkar á facebook eða á prestur@kirkjan.dk. Í vetur munum við styðjast meira við kennslu á netinu, í bland við fræðsludaga í Jónshúsi.


Allt verður auglýst rækilega hér á síðunni, sem og á facebook síðu safnaðarins. 


Kærleikskveðja


Safnaðarnefndin


Guðsþjónustur


Guðsþjónusta á vegum íslenska safnaðarins verður í Esajas kirkju þann 25. október kl. 14. Prestur er sr. Sigfús Kristjánsson, Sólveig Anna Aradóttir sér um orgelleik og meðlimir úr Kvennakórnum í Kaupmannahöfn munu sjá um söng undir stjórn Maríu Aspar Ómarsdóttur.


Sunnudagaskólinn


Vegna COVID-19 forvarna bíðum við með að fara af stað með sunnudagaskólann. Við hlökkum mikið til að hefja starfið sem fyrst og munum auglýsa sunnudagaskólann hér á síðunni sem og á facebook.

 


Fermingarfræðsla


Fermingarfræðsla fer fram í gegnum netið á vorönn, þar sem að fermingarbörnin munu leysa verkefni frá sr. Sigfúsi. Skráning fyrir fermingarfræðslu haustsins er hafin. 

Skráningu og umsjón með fermingarfræðslunni í Danmörku hefur sr. Sigfús Kristjánsson prestur (Sími 33 18 10 56). Vinsamlegast sendið ósk um að fá skráningarblað á prestur@kirkjan.dk

Upplýsingar eru einnig veittar af Lárusi Guðmundssyni fararstjóra frá Kaupmannahöfn, (larus@brostu.dk, sími 22 13 18 10) og Láru L. Magnúsdóttur (laralillmag@gmail.com) fararstjóra frá Árósum.

Prestur Íslendinga


Prestur Íslendinga í Danmörku er sr. Sigfús Kristjánsson. Presturinn er búsettur í Kaupmannhöfn frá 1.8.2020 og leysir af þá þjónustu sem sr. Ágúst Einarsson hefur verið með frá Svíþjóð.

 

Þeir sem óska eftir prestsþjónustu eða samtali er velkomið að hafa samband við Sigfús á netfangið prestur@kirkjan.dk eða í síma +45-33 18 10 56. Íslenskur sími 545 7726.



Skráðu þig á póstlistann


         Íslenski Söfnuðurinn í Kaupmannahöfn © 2018 • www.kirkjan.dk  • kirkjan@kirkjan.dk